Özbəkistanda nəhəng külək elektrik stansiyası tikiləcək

Səudiyyənin «ACWA Power» şirkəti Özbəkistanda külək elektrik stansiyası tikəcək. Stansiya Mərkəzi Asiyada ən böyüyü, dünyada isə böyüklərdən biri olacaq.

Özbəkistan Enerji Nazirliyinin məlumatna görə, uyğun razılaşma mayın 3-də imzalanıb. Gücü 1500 MVt olacaq külək elektrik stansiyasını Səudiyyə Ərəbistanından olan investor Qraqalpaqda - Özbəkistanın tərkibində olan respublikada tikəcək.

«Enerji istehsalçısı kimi biz, Özbəkistanda aşağı karbonlu iqtisadiyyata keçid üzrə Yaxın Şərqdən olan, əsasən də Səudiyyədən olan həmkarlarımızdan çox şey öyrənirik. ACWA Power-in layihəsi bu prosesə böyük töhfə verəcək. 2030-cu ilə bizim planımız bərpa olunan mənbələrdən 25 faiz enerji istehsal etməkdən ibarətdir» - Özbəkistan energetika nazirinin müavini Şerzod Xocayev qeyd edib.

Gözlənilir ki, layihə təxinən 4 milyon ev təsərrüfatının elektrik enerjisinə olan tələbatını ödəyəcək.

Sözügedən şirkət Özbakistanın digər bölgələrində məcmu gücü 1000 MVt olacaq daha iki külək enerji layihəsi reallaşdıracaq.

AzPolitika.info

Mövzuları qaçırmayın!
OXUYUN, PAYLAŞIN, QAZANIN!
Azərforum oxuduqca paylaşdığınız, paylaşdıqca qazandığınız tətbiqdir.
0
210
0
0 şərh

Ən çox oxunanlar

  • Bugün
  • Həftə
  • Ay

Son şərhlər

Trenddə olanlar