<p><strong>Bu, İlham Əliyevin qeyd-şərtsiz qələbəsidir. Xüsusi qabardılası fakt budur ki, mina xəritələrinin Azərbaycana verilməsi Birləşmiş Ştatların Dövlət Departamenti və Avropa İttifaqının vasitəçilik missiyası nəticəsində baş tutub.</strong></p><p>Əliyev dürstlüyünün həm daxilə, həm daxili səmimiyyətinin faydasını gördüyü kimi, Paşinyan da səriştəsizliyinin, vecsizliyinin, amma daha çox satqınlığının altını çəkir.</p><p>Bir müddət əvvəl Rusiya Prezidentinin hüzurunda Baş nazir kimi gah əlini, gah çantasını unudan Paşinyan Baş nazir əvəzi kimi bu dəfə lap özünü unudub. Məsələn, Vaşinqton və Brüsseldən xahiş edib ki, əsirlərin qaytarılması üçün Bakı-İrəvan danışıqlarında vasitəçi olsunlar. Haqqın.az yazır ki, Paşinyanın xahişini Azərbaycanın siyasi rəhbərliyinə məhz Birləşmiş Ştatların Dövlət Departamentinin nümayəndəsi çatdırıb. Redaksiyada əmin idilər ki, Bakıda erməni hakimiyyətinin bu metamorfozasından əlbəttə təəccüblənirlər, amma Paşinyanın Amerika Birləşmiş Ştatları vasitəsilə elan etdiyi “mina xəritələrini təqdim etmək” arzusuna da qarşı çıxmırlar.</p><p>Ağdamı əhatə edən mina xəritəsi əldə edilir. 15 dənə ermənini qaytarmaqla gələcəyin onminlərlə insanı xilas edilir. Xilas-təmizləmə missiyası davam etməkdədir. Deməli Ağdamın başına ürəklə, lap elə Mina dağı kimi dolana biləcəyik, mina dağı kimi yox.</p><p>Mina xəritələrinin davamı da olmalıdır. Biz Paşinyanın Rusiyanı satmasının nəticələrindən maksimum bəhrələnməliyik. Onu da qeyd edim ki, Paşinyanın Bakıya ABŞ vasitəsilə iltimasda bulunması versiyası əvvəl yalnız Haqqın.az-ın fərziyyəsi idi. Amma az sonra Paşinyan mitinqdə çıxışı zamanı şəxsən təsdiq etdi ki, həqiqətən də Amerika Birləşmiş Ştatları Dövlət katibinin köməkçisi Filip Riker əsirlər məsələsində irəliləyişə nail olmaq barədə Entoni Blinkenin tapşırığını çatdırıb.</p><p>Məntiqlə də hər şey yerinə oturur: Hələ buna qədər də bir neçə dəfə Ermənistan Baş naziri regiona Qərb dövlətlərinin dəvət olunmasını, müharibə sonrası proseslərdə bu qütbün fəal iştirakını rica etmişdi. Paşinyan əl üstə kimin əli oyununun qaydalarını bilməmiş deyildi və onun hesabıyla burda ən son əl Rusiya olmamalıydı.</p><p>Hə, burda çox mühüm bir nüans da var. Bakı yalnız o 15 dənə ermənini təhvil verməyə razılaşır ki, Qarabağda hərbi cinayət törətməyə macal tapmamışdı. Yəni bizimkilər onları, ərazimizdə hər hansı təxribat və ya terror hadisəsi törətməyə imkan vermədən götürmüşdülər. Və bu arada baş verən başqa bir hadisəyə də qayıdaq. Ermənistan Avropa İnsan Hüquqları Məhkəməsinə müraciətlə Azərbaycandan 11 vətəndaşının dərhal sərbəst buraxılmasını tələb etmişdi. İnsan Hüquqları Məhkəməsi isə bu tələbi rədd etmişdi. Azərbaycan Hökuməti isə Avropa İnsan Hüquqları Məhkəməsinin bu qərarını alqışlamışdı. Deməli, Azərbaycanı, adətən ölkəmizə qarşı qərəzli qərarları ilə seçilən bu qurum belə müdafiə etməyə məcbur olmuşdu. Ermənistan isə qısa-qapanmalarla, başı-ayağa naməlum sınıq xətlərlə zəngin kursu ilə sabitqədəm bir dövlət olmadığını hər dəfə nümayiş etdirməkdədir. Məsələn, son hadisəyə qədər də Ermənistanın bir gün NATO-ya, bir gün Fransa Prezidentinə əl açması nümayiş etdirmişdi ki, ermənilər öz tarixi xasiyyətinə, öz genetik təbiətinə-satqınlıqlarına sədaqətlidirlər!</p><p>Rusiyada bir sıra müşahidəçilər açıq şəkildə bəyan edirlər ki, Ermənistan Rusiyanı hər gün daha çox satır! Və onun bu yaxınlarda Ermənistan-Azərbaycan sərhədinə dəvət etdiyi dövlətlər, qütblər Ermənistanın əbədi hamilərinin-Rusların marağında deyil, Kremlin rəqibəri, hətta düşmənidir və buna görə də rusların xoşuna gəlmir. Lap elə tutaq ki, Amerika Birləşmiş Ştatlarını, Avropa İttifaqına üzv olan dövlətləri bölgəyə Paşinyan dəvət etmişdi: bəs nəticəsi nə oldu? Nəticə o oldu ki, mina xəritələrini Azərbaycana verməyə Paşinyan məhz Dövlət Departamenti, Avropa İttifaqı vasitəsilə məcbur oldu.</p><p>Bu gün Ermənistan özünün ən ağır vaxtlarını yaşayır! Qarşıdan parlament seçkiləri gəlir. Erməni seçicinin öz gələcəyini seçmək şansı yoxdur: ona görə ki, bir tərəfdə məğlub Paşinyanın rəhbərlik etdiyi bugün var, bir tərəfdə terrorla, parlament gülləbaranıyla, korrupsiya ilə, bir sözlə, bütün dövlət və müharibə cinayətləri ilə zəngin keçmiş var ki, onun da təmsilçisi Köçəryandır. Gələcək isə yoxdur! Erməni xalqı isə bir neçə pisdən birini, daha doğrusu iki ən pisdən birini seçmək məcburiyyətində qalıb. Balalarının nəşini alanda sevinən sadə erməni üçün bu saat Qarabağ sadəcə gedər-gəlməzdir! Ermənidən ötrü Qarabağ müqəddəslik yükü daşımır. Erməni insan Azərbaycan tərəfə bundan sonra yalnız kor bucaq altında baxmalı olacaq. Ağlamaqdan kor olmuş bucaq altında.</p>
<p><strong>Rəsmi Kiyev ABŞ Prezidenti Co Baydenin Rusiya lideri Vladimir Putinlə görüşündə Ukrayna ilə həmrəyliyini elan etməsini gözləyir.</strong></p><p><span class="red"><a target="_blank" href="http://axar.az">Axar.az</a></span> xəbər verir ki, bu barədə Ukrayna xarici işlər naziri Dmitri Kuleba deyib.</p><p>O bildirib ki, Kiyev Prezident Baydenin Vladimir Putinə ABŞ-ın Ukraynanı dəstəklədiyini və suverenliyini, ərazi bütövlüyünü bərpa etmək üçün hər şeyi edəcəyini bildirməsini gözləyir.</p><p>"ABŞ Ukrayna ilə Rusiya arasındakı sülh prosesinə əhəmiyyətli bir töhfə verə bilər", - deyə Kuleba qeyd edib.</p>
<p><strong>“Mir Şahin vaxtı”nın bu gün efirə gedən buraxılışında Mir Şahin sosial şəbəkələrdə ermənilərlə milli satqın azərbaycanlıların “əl-ələ verib birgə yaşadığı”nı bildirib.</strong></p><p><span class="red"><a target="_blank" href="http://axar.az">Axar.az</a></span> Mir Şahinin bununla bağlı yaydığı süjetin mətnini təqdim edir:</p><p>“Bir zamanlar Dilarə Əliyevamız var idi. Müxalifətçi idi, amma azadlıq cəfakeşi idi. Bu yolda da həlak oldu.</p><p>İndi də müxalifətdə bir Dilarə var. Miriyeva olmalıdı səhv etmirəmsə. Rəhmətlik Dilarə Əliyeva jurnalistlərin sevimlisi idi, ona böyük bacımız kimi baxırdıq. Dilarə Miriyevaya isə bacı demək yaxınlarımızı təhqir olar. Buyurun: Minaya düşüb şəhid olmuş həmkarlarımız, Sirac və Məhərrəm haqqında bu adam nə yazır:</p><p><strong>“Qarabağda minaya düşərək ölən zurnalistlərə görə dünən AzTV önündə toplaşdılar!”</strong></p><p>Bu statusun ardını oxumaq istəmirəm. Çünki antigigiyenikdir. Müəllifin siması tək. Amma bunu yalnız mənmi deməliyəm? Axı şəhadətə qovuşmuş həmkarlaımızın cavab vermək imkanı yoxdur! Hara baxırıq? Özü də görün bizi hardan vururlar? Dövlət mina terrorunu ən yüksək məsuliyyət həddində qaldırır. Ermənistan artıq müqavimət göstərəcək halda deyil. Müharibənin ilk günündən bu saatadək - əvvəl döyüş hərəkətlərinin aktiv cərəyan etdiyi ərazilərə, sonra isə işğaldan azad edilmiş yaşayış məntəqələrimizə, elə təkcə Ağdam rayonuna neçə ölkənin diplomatı ezam edilib?! Bu ezamiyyətlər bir kütləvi informasiya vasitəsinin yaya biləcəyi məlumatlardan dəfələrlə səmərəli olmaqla, Azərbaycan Prezidentinin böyük ustalıqla apardığı informasiya müharibəsinin tərkib hissəsidir. Hər yerdə də prioritet işğaldan azad edilmiş ərazilərimizin indi də minalardan azad edilməsidir. Uşaqlar o minadan şəhid olublar! Dilarə Miriyevanın plebey beyni anlamır ki, danışıqları Kərimli-Köçəryan cinahını ələ verir?!</p><p>Bədbəxt qadın! Və bu həyan müəllifinin üzərinə getməyən, onu doğulmasına peşman etməyən teleliberalları da anlamıram! Bu qədər də olmaz axı!</p><p>İndi isə sosial şəbəkələrin təhlili nəticəsində əldə etdiyimiz nəticələrin təqdimatına keçirəm.</p><p>Məsələn, Fransada mühacir kimi yaşayan bloger, əslində isə Azərbaycanın birmənalı düşməni olan <strong>Məhəmməd Mirzəli </strong>yazır (Tvitter, 15.04.2021-ci il):</p><p>“Bu fotoda təbliğatın necə nəticə verdiyini açıq şəkildə görürük. Rejim gənc, həssas bir uşağın beynini zəhərləyir, onu "düşmənə" qarşı nifrət və qəzəblə doldurur. Daha sonra isə Əliyev bu uşağı onunla heç bir əlaqəsi olmayan müharibədə döyüşmək üçün istifadə edəcək. Bunun uşağınızın başına gəlməsinə icazə verməyin”.</p><p>Bu isə erməni blogerin qeydləridir, eyni fikirləri bir az fərqli sözlərlə çatdırır (14.04.2021-ci il):</p><p>“6 yaşdan kiçik uşaqlar üçün muzeyə giriş pulsuzdur. Bu, sizin üçün normal səslənir? Bu, Azərbaycanda olduqca kiçik yaşdan ermənilərə nifrətin öyrədilməsinə başlanıldığını açıq şəkildə göstərir”.</p><p><strong>Milli Şuranın üzvü Tofiq Yaqublu yazır:</strong></p><p>“Şuşanın mərkəzindəki evlər sökülür. Bu, mənəvi terrordur. 29 ildir ki Şuşa həsrəti ilə yaşayan şuşalılara öz evlərini görmək, onun qapısını açmaq, divarlarına toxunmaq, pəncərəsindən şəhərə baxmaq və s. imkanı vermədən bu addımı atmaq əsl vandalizmdir”.</p><p><strong>Bu isə ermənilərin paylaşımıdır:</strong></p><p>“Azərbaycan vandalizmi davam edir. Şuşada Jamaryanın ev-muzeyi dağıdılır. “İnfoteka 24” portalına daxil olan kadrlardan işğal edilmiş Şuşada Azərbaycan hərbçilərinin vandalizm aktı görünür.</p><p>Azərbaycana qarşı düşmənçilik əməliyyatına cəlb olunmuş daha iki nəfər. Bunlardan biri <a target="_blank" href="http://report.az">Report</a>yorların Azadlıq və Təhlükəsizlik İnstitutunun rəhbəri <strong>Emin Hüseynov</strong>dur. O yazır:</p><p>“Azərbaycan və Türkiyə rəsmiləri əksini sübuta yetirənə qədər fəal Bayram Məmmədovun qətlində onlardan şübhələnirəm”.</p><p><strong>Bu isə eyni fikirləri paylaşan erməni blogerdir:</strong></p><p>“Azərbaycanda və Türkiyədə “ayrı-seçkilik” yoxdur. Türkiyəni və Azərbaycanı tənqid edən, bu hökumətlərin əleyhinə danışan və hərəkət edən hər kəs ya həbs edilir, ya da öldürülür. Fotoşəkildə ölü tapılan azərbaycanlı qurban Bayram Məmmədovu görürsünüz”.</p><p><strong>Vətəndaş və İnkişaf Partiyasının rəhbəri Əli Əliyev:</strong></p><p>“Biz erməni əhalisini Azərbaycan dövlətinin ədalətinə inandırmaq istəyiriksə, ilk növbədə özümüzdən başlamalıyıq, daxilimizdən başlamalıyıq. Biz Arutunyanı necə inandıra bilərik ki, Azərbaycan demokratik dövlətdir?</p><p><strong>Bu isə David Babayndır:</strong></p><p>“Bu gün Azərbaycanda demokratiya klinik ölüm keçirir. Dağlıq Qarabağ nizamlanmasında başlıca tormoz məhz bu olacaq!”</p>
<p><strong>Qətərlə keçmiş səhifəni qapatmaq istəyirik.</strong></p><p><span class="red"><a target="_blank" href="http://axar.az">Axar.az</a></span> xəbər verir ki, bu sözləri Misir xarici işlər naziri Samih Şükri deyib.</p><p>“Əlaqələrimizin normala qayıtması, milli mənafenin qazanılması və qardaş ərəb ölkələri ilə bağları gücləndirmək üçün keçmiş səhifəni qapatmaq istəyirik”, - deyə XİN rəhbəri bildirib.</p><p>O bildirib ki, Misirin sabitliyi və təhlükəsizliyi ilə bağlı bütün maddələr üzrə danışqlar aparılır.</p><p>Xatırladaq ki, hələ 2017-ci ilin iyununda Qətərin beynəlxalq terrorçuluğu maliyyələşdirməsi iddiası ilə bir çox ərəb ölkəsi, o cümlədən Misir rəsmi Doha ilə diplomatik əlaqələri ən aşağı həddə endirmişdi.</p>
<p><strong>ABŞ Prezidenti Co Bayden və İsrailin yeni baş naziri Naftali Bennet arasında telefon danışığı baş tutub.</strong></p><p><span class="red"><a target="_blank" href="http://axar.az">Axar.az</a></span> xəbər verir ki, bu barədə Ağ Evin məlumatında deyilir.</p><p>Bayden baş nazir seçilməsi münasibətilə Bennetə təbriklərini çatdırıb.</p><p>O, rəhbərlik etdiyi administrasiyanın İsrail hökuməti ilə işləməyə hazır olduğunu bildirib.</p><p>Bayden həmçinin ABŞ-ı İsrailin ən yaxşı dostu adlandırıb.</p>
<p><strong>2021-ci ilin mart ayında Ceyms Corc Stavridis və Elliot Akkerman adlı iki şəxs “2034: Növbəti Dünya Savaşı haqqında roman” adlı kitab nəşr ediblər.</strong></p><p>Kitab haqqında qısa yazmazdan öncə müəlliflər haqqında məlumat vermək istərdim:</p><p>1) Ceyms Corc Stavridis (James George Stavridis) - ABŞ Donanmasının təqaüdçü admiralıdır. ABŞ Cənub Qoşunları Komandanlığının keçmiş Baş Komandanı (2006-2009), ABŞ Avropa Komandanlığının Komandanı və NATO Müttəfiq Qüvvələrinin Avropadakı Ali Komandanı (2009-2013),</p><p>2) Elliot Akkerman - Səkkiz il Amerika Dəniz Qüvvələrində qulluq edib, piyada zabiti, xüsusi əməliyyat zabiti olub. Orta Şərqdə və Cənub-Qərbi Asiyada bir neçə vəzifədə xidmət edib. Dəniz Qüvvələri Xüsusi Əməliyyat Qrupunun komandiri olaraq, yüksək rütbəli Taliban liderlərini ələ keçirməkdən məsul olan 700 nəfərlik Əfqan komandos batalyonunun baş döyüş məsləhətçisi olub.</p><p>Göründüyü kimi, müəlliflər çox məlumatlı insanlardır, yazdıqları kitab isə 2034-cü ildə baş verə biləcək Cahan savaşı ssenarisi haqqındadır. Süjet roman stilində yazılıb, məhəbbət də var, xəyanət də, siyasət də var, xüsusi əməliyyatlar da. Məğzi budur ki, 2034-cü ildə artıq çox güclü Çin-Rusiya birliyi yaranır, bu gün ABŞ-ın hərbi dəniz qüvvələrində olan üstünlüyü itir, İran da bu birliyə qoşulur və Cənubi Çin dənizində baş verən təsadüfi toqquşma böyük savaşa, nəticədə ABŞ-ın zəifləyib çökməsinə yol açır.</p><p>Roman çox maraqlı bir epizodla bitir: Vaşinqtondakı Çin hərbi attaşesi əlini “M&M” şokoladları olan torbaya salır və Amerika milli təhlükəsizlik müşavirinə deyir: “Çində də “M&M” var. Ancaq burada daha yaxşıdırlar. Şokolodın üzərində olan şirnidə bir sirr var, sadəcə biz bunun dəqiq formulunu tapa bilmirik deyə, bizdəki “M&M” belə dadlı alınmır". Yəni, müəlliflərin fikrinə görə, Çin bu savaşdan qalıb çıxsa da, bir çox məhsulların “surətini” çıxarsa da, elmi olaraq ABŞ-dan geri qalırlar və bu geriliyi üstünlüyə çevirmək mümkündür.</p><p>Kitabda ötəri olaraq həm də kritik vəziyyətlərdə (məsələn, pandemiya) demokratiyanın avtoritarizmə uduzmasından da bəhs edilir – bu təhlükəli təsbitdir, məncə, yaxın 10 ilin ən böyük diskussiya mövzularından biri olacaq. Çünki faktiki olaraq avtoritar və qapalı ölkələrin qərarvermə mexanizmləri fövqaladə vəziyyətlərdə daha effektiv oldu, demokratik ölkələr bu məsələdə sinifdə qaldı. Təəssüf ki, bunun da nəticəsində demokratik dünyada artıq demokratiyada bəzi dəyərlərin və qərarvermə mexanizmlərinin fövqaladə vəziyyətlərə cavab vermədiyi, bunun isə gələcəkdə avtoritar ölkələrə üstünlük qazandıra biləcəyini deyən-yazan, müzakirə açan əsərlər, məqalələr günü-gündən artır.</p><p>Bu gün məsələni müzakirəyə açmağımın səbəbi həm də yaxın günlərdə baş tutacaq Bayden-Putin görüşünə görədir. Kollektiv Qərb yaxşı anlayır ki, həm Çin, həm də Rusiya ilə eyni anda mübarizə aparmaq mümkün deyil və belə olanda Rusiya ilə Çin daha sıx birləşə, daha çox birgə fəaliyyət göstərə bilər.</p><p>Qərbin strateji səhvlərindən biri Rusiyaya qarşı sanksiya siyasəti oldu – effekt vermədi, amma nəticədə Kreml azğınlaşdı, Çinlə daha da yaxınlaşdı, öz ətrafına real təhlükə yaratmağa başladı. Eyni yanaşma ilə Qərb faktiki olaraq Belarusu da Kremlin tam qucağına atdı.</p><p>Nə isə, imkanı olanlar kitabı oxusun...</p>
<p><strong>Ağdamda erməni vəhşiliyi açıq-aşkar görünür.</strong></p><p><span class="red"><a target="_blank" href="http://axar.az">Axar.az</a></span> xəbər verir ki, bunu Ağdamda səfərdə olan Liviyanın Azərbaycandakı müvəqqəti işlər vəkili Əşrəf Adəm bildirib.</p><p>Əşrəf Adəm deyib ki, ermənilər işğal etdikləri bu ərazilərdə heç bir tikinti, abadlıq işləri aparmayıblar:</p><p>“Ermənilər Ağdamda soyğunçuluq edib, hər şeyi talayıb aparıblar. Bu da ermənilərin bura soyğunçuluq üçün gəldiklərini açıq-aydın göstərir”.</p>
<p><strong>Bu gün Kür çayının Sabirabad rayonu ərazisindən keçən hissəsində rayon sakini batma təhlükəsi ilə üzləşib.</strong></p><p>Fövqəladə Hallar Nazirliyindən <span class="red"><a target="_blank" href="http://axar.az">Axar.az</a></span>-a verilən məlumata görə, nazirliyin Kiçikhəcmli Gəmilərə Nəzarət və Sularda Xilasetmə Dövlət Xidməti tərəfindən həmin şəxs xilas olunub.</p>
<p><strong>İnsan ölümü arzulaya bilərmi? Dinimizin nəzərinə görə, bir insanın özünə ölümü arzu etməsi kərahət (şəriətin icazə verdiyi, lakin icrası mümkün qədər məsləhət görülməyən hərəkət) məsələsidir. Çünki həyat - Allahın ən böyük nemətlərindən hesab olunur. Məsumlarımız (ə) buyurur: "Ölümü arzu etməyin, bəlkə həyatı arzu edin. Ancaq o həyat ki, orada ehsan və yaxşılıq olar".</strong></p><p><span class="red"><a target="_blank" href="http://axar.az">Axar.az</a></span> xəbər verir ki, Həzrət Peyğəmbər (s) buyurur:</p><p>"Ölümü arzu etməyin, çünki ölüm əməli bitirər. İnsan artıq dünyaya qayıda və yerinə yetirmədiyi işləri yerinə yetirə bilməz".</p><p>Həzrət Rəsuli-Əkrəm (s) başqa yerdə buyurur: "Sizlərdən heç biriniz ölümü arzu etməsin. Çünki bilmir ki, göndərdiyi şey nədir".</p><p>Biz bilmirik ki, behişt əhlindənik, yoxsa cəhənnəm. İmam Əli (ə) Haris Həmədaniyə buyurur: "Ölümü və ölümdən sonra baş verənləri çoxlu yada sal. Ancaq ölümü arzu etmə, məgər o halda ki, möhkəm şərtin olsun və bu şərt adətən hasil olmaz".</p><p>Bir nəfər İmam Sadiqin (ə) yanında ölümü arzu edirdi və imam (ə) ona buyurur: "Həyatı arzu et ki, itaət edəsən və günah etməyəsən. Əgər sağ olsan və itaət etsən - sənin üçün daha yaxşıdır, nəinki öləsən nə günah edəsən, nə də itaət".</p><p>Əgər insan həyatı arzu etsə və itaət edərək yaşasa, onun üçün ölməkdən daha yaxşıdır.</p><p>Hədislərimiz buyurur ki, şəhadəti arzu etmək başqa bir şeydir. Bu, ölümü arzu etmək deyildir. Hədislərimiz məsləhət görür ki, dua edən zaman şəhadəti dua edəsən. Çünki şəhadət yataqda ölməkdən və ani ölümdan daha yaxşıdır.</p><p>Ramazan ayında etdiyimiz duaların çoxunda deyirik: "Allahım! Mənim ölümümü Sənin yolunda şəhadət qərar ver. Vəfatımın növünü yolunda qətl olunmaq qərarı ver".</p><p>Ölümün tezləşməsini də dua etmək məsləhət görülmür, ancaq ölümün növünü dua edə bilərsiniz.</p>
<p><strong>Brüsseldəki sammitdə NATO ölkələri onlara qarşı kiberhücum edildikdə bir-birilərinə kömək üçün razılaşma əldə ediblər.</strong></p><p><span class="red"><a target="_blank" href="http://axar.az">Axar.az</a></span> xəbər verir ki, bunu ABŞ prezidentinin milli təhlükəsizlik üzrə köməkçisi Cek Sallivan bildirib.</p><p>O, qeyd edib ki, hər hansı müttəfiq kütləvi kiberhücuma məruz qalarsa və bunun öhdəsindən gəlmək üçün digər üzvlərin texniki və ya kəşfiyyat dəstəyinə ehtiyac duyarsa, NATO nizamnaməsinin beşinci maddəsindən istifadə edə bilərlər (ittifaqın bir üzvünə edilən hücum bütün üzvlərə hücum kimi qəbul edilir – red.).</p><p>Qeyd edək ki, ötən günlərdə İngiltərə Rusiyanı kiberhücuma dəstək verməkdə günahlandırdı və G7-ni bu cür hərəkətlərə yekdilliklə qarşı çıxmağa çağırdı.</p>
<p><strong>Türkiyəli mafioz, mütəşəkkil cinayətkar dəstənin rəhbəri Sədat Pekər Dubayda (BƏƏ) yaşadığı iqamətgahdan polis tərəfindən çıxarılıb.</strong></p><p><span class="red"><a target="_blank" href="http://axar.az">Axar.az</a></span> xəbər verir ki, bu barədə türkiyəli jurnalist Alişer Delek Tvitter səhifəsində yazıb.</p><p>“Sədat Pekərin “baş müşaviri” Əmrə Olur ilə bir az əvvəl danışdım. BƏƏ polisləri Pekəri qaldığı iqamətgahdan naməlum bir yerə dəvət ediblər. Pekər hələ də evinə qayıtmayıb. Harada olduğu və nə zaman qayıdacağı bəlli deyil. Əmrə Olur Pekərin həbs olunacağı, yaxud öldürüləcəyindən narahatdır”, - deyə A.Delek yazıb.</p>
<p><strong>Türkiyə və ABŞ prezidentləri amerikan qoşunlarının çıxarılmasından sonra Əfqanıstanda təhlükəsizliyin təminatı məsələlərini də müzakirə edəcək.</strong></p><p><span class="red"><a target="_blank" href="http://axar.az">Axar.az</a></span> xəbər verir ki, bu barədə ABŞ prezidentinin köməkçisi Ceyk Sallivan jurnalistlərə açıqlamasında deyib.</p><p>Qeyd edək ki, Ərdoğan və Bayden 14 iyun tarixində Brüsseldə bir araya gələcək.</p>
<p><strong>Əla fikirdir, çox yaxşı olardı. Kanallarımız yaxşı qazansa, onu edər.</strong></p><p><span class="red"><a target="_blank" href="http://axar.az/news/kult/">Kult.az</a></span> xəbər verir ki, bu sözləri müğənni Zamiq Hüseynov MTV-yə açıqlamasında həmkarı Xatirə İslamın kanallara qonorar qarşılığında çağırılmaları barədə təklifinə münasibət bildirərkən deyib.</p><p>O deyib ki, pandemiyada ifaçıların yalnız toylardan qazandıqları ortaya çıxdı:</p><p>“İl yarımdır biz heç nə qazanmırıq. Əlimizdə nə var idisə, satdıq. Satırıq və yeyirik. Baxırsan ki, digər ölkələrdə radiolardan, televiziyalardan, klip, mahnı səslənən yerdən pul gəlir. Təki bizdə də olardı".</p>
<p><strong>Ermənistanda baş nazir səlahiyyətlərini icra edən Nikol Paşinyan İrəvanın Şenqavit administrativ dairəsində yürüş keçirib.</strong></p><p><span class="red"><a target="_blank" href="http://axar.az">Axar.az</a></span> xəbər verir ki, yürüşdə onun bir sıra tərəfdarları iştirak edib.</p><p>“Bu gün seçici “qarışıqlığı” ilə məşğul olanların gələcəyi yoxdur. Hər kəsə xəbərdarlıq edirəm”, - deyə Paşinyan əleyhdarlarını da xəbərdarlıq etməkdən çəkinməyib.</p><p>Qeyd edək ki, yürüşdə Paşinyanı xeyli polis və təhlükəsizlik əməkdaşı müşayiət edib.</p>
<p><strong>Baş nazir kabinetini tərk etməyimə baxmayaraq, siyasətdən çəkilməyəcəyəm.</strong></p><p><span class="red"><a target="_blank" href="http://axar.az">Axar.az</a></span> xəbər verir ki, bu sözləri İsrailin artıq keçmiş baş naziri sayılan Benyamin Netanyahu deyib.</p><p>O, hazırda müxalifətə keçən “Likud” partiyasının rəhbəri olaraq qalacağını və gələcək seçkilərdə namizəd olacağını bildirib:</p><p>“Bu təhlükəli solçu hökuməti (bu gün seçilən hökuməti nəzərdə tutur - red.) devirmək üçün gündəlik mübarizənizdə sizə rəhbərlik edəcəyəm və Allahın köməyi ilə bu, düşündüyünüzdən daha sürətli olacaq”.</p><p>Qeyd edək ki, İsrail Knesseti yeni hökumətin tərkibini təsdiq edib. Qərara əsasən, yeni hökumətə Naftali Bennet rəhbərlik edəcək.</p>
<p><strong>Avstriya millisi 2020-ci il Avropa çempionatının qrup mərhələsinin ilk turunun matçında Şimali Makedoniya komandasını məğlub edib.</strong></p><p><span class="red"><a target="_blank" href="http://axar.az">Axar.az</a></span> xəbər verir ki, oyun 3:1 hesabı ilə sona çatıb.</p><p>Buxarestdə baş tutan oyunda qolları Avstriya tərəfindən 18-ci dəqiqədə Ştefan Layner, 78-ci dəqiqədə Mixael Qreqoriç və 89-cu dəqiqədə Marko Arnautoviç, şimalı Makedoniya tərəfindən isə 28-ci dəqiqədə Qoran Pandev vurub.</p><p>Qeyd edək ki, C qrupunda ilk turun digər oyunu Niderland və Ukrayna milliləri arasındadır. Bakı vaxtı ilə saat 23:00-da başlayan qarşılaşma "Amsterdam Arena"da keçirilir. </p>
<p><strong>Böyük Britaniya kraliçası II Yelizaveta Vindzor Sarayında ABŞ Prezidenti Co Bayden və həyat yoldaşı Gill Baydeni qəbul edib.</strong></p><p><span class="red"><a target="_blank" href="http://axar.az">Axar.az</a></span> xəbər verir ki, bu barədə “Skay Nyus” məlumat yayıb.</p><p>Belə ki, G7 sammitindən qayıdan Bayden kraliçanın London kənarındakı iqamətgahına helikopterlə gəlib.</p>
<p><strong>Ermənistanın keçmiş prezidenti, hazırda seçkilərə “Ermənistan” (Hayastan) bloku ilə qatılan Robert Köçəryan seçicilərinə ağlasığmaz və revanşist vədlər verməkdə davam edir.</strong></p><p><span class="red"><a target="_blank" href="http://axar.az">Axar.az</a></span> xəbər verir ki, Köçəryan Hadrutu yenidən “qaytaracağı”na (işğal edəcəyi) böyük ölçüdə ümid etdiyini bildirib.</p><p>Dilicanda seçicilərlə görüşdə Köçəryan iddia edib ki, Şuşanın da “qayıdacağına” “qismən inanır”.</p><p>Onun arqumenti isə belədir: keçmiş və 1991-ci ildə Azərbaycan parlamentinin qərarı ilə ləğv edilən Dağlıq Qarabağ Muxtar Vilayətinin “sərhədi”nin bərpası ilə bu, mümkündür.</p><p>Köçəryan deyib ki, bu proses iki il vaxt ala bilər:</p><p>“Ancaq belə bir ciddi danışıqlar üçün müttəfiqlərlə əlaqələri bərpa etmək lazımdır. Bunun ardınca siz görəcəksiniz ki, bu məsələnin həlli mümkündür. Bu məsələni məndən yaxşı heç kim həll edə bilməz”.</p><p>Köçəryan davamında Rusiyadakı erməni biznesmenlərlə danışıqlar apardığını, ermənilərin Qarabağa köçürülməsi üçün tikinti işləri görəcəyini də vəd edib. O bildirib ki, bu işə “Hayastan” fondundan 100 milyon dollar ayrıla və kəndlər böyüdülə, çoxsaylı evlər tikilə bilər.</p><p>Qeyd edək ki, Köçəryan revanşist iddialarla seçkiyə girib və yenə də xalqı uçuruma aparan vədlər verməklə məşğuldur. İşğalı davam etdirməyə çalışan Köçəryan yeni reallıqları qəbul etməməklə faktiki olaraq Ermənistanın bir dövlət kimi varlığını artıq sual altına alır. Çünki bu işğalçı ünsür hələ də Türkiyənin artıq regionda olduğunu, Azərbaycanın Qafqazın ən qüdrətli dövlətinə çevrildiyini və Rusiyanın Putinin simasında Bakı ilə ciddi müttəfiqlik əlaqələrinə malik olduğunu dərk etmir.</p>
<p><strong>Xalq artisti Afaq Bəşirqızının ayaqları tutulub.</strong></p><p><span class="red"><a target="_blank" href="http://axar.az/news/kult/">Kult.az</a></span> xəbər verir ki, bu barədə A.Bəşirqızı Manşet.az-a açıqlamasında deyib:</p><p>"Mənim həkimim sənətkardır. Mən inanıram ki, yeriyəcəyəm. Beş ayı beş gün kimi gözləyirəm. İnanın mən buna öyrəşməmişəm".</p><p>Qeyd edək ki, xalq artistinin dizlərində sümük yeyilməsi var. Hazırda o, müalicə və reabilitasiya prosesi keçir.</p>
<p><strong>10 noyabr üçtərəfli bəyanatının ləğvi yeni müharibə deməkdir. Bunu anladıqları üçün heç bir siyasi qüvvə belə bir açıqlama ilə çıxış etmir.</strong></p><p><span class="red"><a target="_blank" href="http://axar.az">Axar.az</a></span> xəbər verir ki, bu sözləri Çiçəklənən Ermənistan Partiyasının sədri Edmon Marukyan deyib.</p><p>“Əgər Ermənistanın yeni müharibə üçün potensialı olsaydı, o zaman Zəngəzur (Sünik) bölgəsinə müdaxilə müharibəyə səbəb olardı. Ancaq biz sülh yolu ilə getməyə məcburuq”, - o bildirib.</p><p>Marukyan deyib ki, hansı qüvvə hakimiyyətə gələcəyi təqdirdə müharibəyə başlayacağını deyirsə, ya yalançı, ya da avantüristdir.</p><p>O həmçinin vurğulayıb ki, Ermənistanın Azərbaycana "dəhliz" verməsindən (Zəngəzur dəhlizi nəzərdə tutulur) başqa çarəsi yoxdur, çünki bu, bəyanatda əksini tapıb.</p><p>“Biz sual veririk: əgər tərəflər kommunikasiyaları açırsa, sizə niyə suveren yol lazımdır ki? Axı tərəflər yolları açır və ondan hər kəs istifadə edə bilər”, - Marukyan qeyd edib.</p><p>O, Ermənistan qanunvericiliyi bu prosesə adamtasiya olunana qədər bu addımın atılmaması gərəkdiyini də bildirib.</p>
<p><strong>İsrailin Knesseti yeni hökumətin tərkibini təsdiqləyib.</strong></p><p><span class="red"><a target="_blank" href="http://axar.az">Axar.az</a></span> xəbər verir ki, yeni tərkibdə Naftali Bennet baş nazir olub.</p><p>Sabiq baş nazir Benyamin Netanyahu isə 12 illik hakimiyyətdən sonra artıq müxalifətdə təmsil olunacaq. </p>
