<strong>Rusiya Prezidenti Vladimir Putin və Çin Xalq Respublikasının (ÇXR) sədri Si Cinpin Moskvada keçirilən danışıqların yekunlarına dair iki sənəd imzalayıblar.</strong><a href="https://metbuat.az" target="_blank" class="kw-link">Metbuat.az</a> xəbər verir ki, Rusiya Prezidenti Vladimir Putin və bu ölkədə dövlət səfərində olan Çin lideri Si Cinpin arasında Kremldə baş tutan danışıqlar mətbuat konfransı, eləcə də iki ölkə arasında hərtəfəli tərəfdaşlıq və strateji qarşılıqlı fəaliyyət haqqında bəyanat, habelə 2030-cu ilədək Rusiya-Çin iqtisadi əməkdaşlığının inkişaf istiqamətlərinə dair bəyanatın imzlanması ilə başa çatıb.Görüşün yekunlarına dair keçirilən mətbuat konfransında V.Putin danışıqları konstruktiv qiymətləndirib, iqtisadi və ticarət sahələrində əməkdaşlığı genişləndirmək imkanlarının olduğunu bildirib. O qeyd edib ki, beynəlxalq məsələlərin əksəriyyətində Rusiya və Çinin mövqeləri üst-üstə düşür. V.Putin Ukrayna böhranının həllinə dair Çin planının nizamlama üçün əsas götürülə biləcəyini vurğulayıb.<p>ÇXR Sədri Si Cinpin rusiyalı həmkarı ilə danışıqların səmimi və dostluq şəraitində keçdiyini, Çin-Rusiya əlaqələrinin müasir dünya düzənində mühüm əhəmiyyət kəsb etdiyini bildirib. O, BMT Təhlükəsizlik Şurasının daimi üzvləri kimi Rusiya və Çinin beynəlxalq münasibətlərin təməl normalarına əməl olunmasına çalışacaqlarını deyib. Si Çinpin ölkəsinin Ukrayna münaqişəsində BMT Nizamnaməsinin prinsiplərini rəhbər tutduğunu, münaqişənin danışıqlar yolu ilə həllinə tərəfdar olduğunu diqqətə çatdırıb.</p>
<strong>ABŞ Dövlət Departamenti Ermənistanda 2022-сi ildə insan haqlarının vəziyyəti ilə bağlı hesabat dərc edib.</strong><a href="https://metbuat.az" target="_blank" class="kw-link">Metbuat.az</a> Ermənistan mediasına istinadən xəbər verir ki, hesabatda Ermənistanda insan haqlarının pozulması halları yer alıb.<p>Dövlət Departamenti hüquq-mühafizə orqanlarının əməkdaşları tərəfindən zorakılıqları, pis həbsxana şəraitini, əsassız həbsləri və söz azadlığının məhdudlaşdırılması hallarını təqdim edib.</p>
<strong>“İstənilən müharibə sülhlə başa çatır”.</strong><a href="https://metbuat.az" target="_blank" class="kw-link">Metbuat.az</a> Rusiya mediasına istinadən xəbər verir ki, bunu jurnalistlərə açıqlama verən ölkənin müdafiə naziri Sergey Şoyqu Ukraynadakı müharibənin perspektivlərindən danışarkən deyib. <p>Bununla belə, rusiyalı nazir müharibənin nə zaman başa çatacağı ilə bağlı suala cavab verməyib.</p>
<strong>"Küçədə yaşayıram, evim yoxdur. Kiçik qardaşım Amerikada yaşayır, ancaq mənə dəstək olmur".</strong><a href="https://metbuat.az" target="_blank" class="kw-link">Metbuat.az</a> xəbər verir ki, bu sözləri teleqraf.com-a açıqlamasında mərhum xalq artisti Siyavuş Aslanın səfil həyatı yaşayan oğlu Çingiz Aslan deyib:"Atam o vaxt mənə demişdi ki, özünə gün ağla, heç kimə ümid olma. Düz deyirmiş. Onu da deyirdi ki, nə qədər ki, sağam, evdə otur, mən baxacam. Bizim evimiz vardı, qardaşım evi satdı. Onunla bir ildir ki, əlaqəmiz yoxdur. Deyir ki, maddi imkanı yoxdur. Amma imkanı olmayan adam Amerikaya necə gedib. Küçədə gecələyirəm. Hazırda heç kim yardım etmir".Çingiz Aslan "Ailəniz xoşbəxt idi" sualına isə "Bəli, ilk əvəllər yaxşı idi. Sonra həyat yoldaşım ayrıldı və başqasıyla evləndi. Qızım ailə qurub və həyat yoldaşı ilə xaricdə yaşayır. Onun həyat yoldaşı diplomatdır. Bir-birini çox sevirlər. Həyat yolaşı qızıma "Mercedes" markalı avtomobil alıb", - deyə cavab verib.<p>O, "Qızınız sizi axtarırımı" sualına isə belə cavab verib: "Qızımla əlaqə yoxdur. Bilmirəm ki, kimə müraciət edim. Həyat yoldaşım qızımı uşaqlıqdan aparıb. Bu işləri Xoşqədəm Hidayətqızı yaxşı bilir. Qızımı tapmaq üçün Xoşqədəm Hidayətqızına müraciət etsəm kömək edər".</p>
<strong>Azərbaycanın Qarabağ iqtisadi rayonunda müvəqqəti yerləşdirilən Rusiya sülhməramlı kontingentinin bölmələri tərəfindən qeyri-qanuni erməni silahlı dəstələrinə məxsus təminat maşınlarının müşayiət edilməsi növbəti dəfə müşahidə olunub.</strong>Müdafiə Nazirliyindən <a href="https://metbuat.az" target="_blank" class="kw-link">Metbuat.az</a>-a verilən məlumata görə, Xankəndi-Xəlfəli-Turşsu torpaq yolu istiqamətində Rusiya sülhməramlı kontingentinə məxsus 1 ədəd ZTR-82A döyüş maşını, ermənilərə məxsus 3 ədəd tentli URAL və üzərində yanacaq çəni olan KamAZ avtomobilinin, ümumilikdə beş hərbi nəqliyyat vasitəsinin kolonda hərəkəti texniki müşahidə vasitələrimiz tərəfindən qeydə alınıb: “Bir daha bildiririk ki, Rusiya sülhməramlı kontingentinin müşayiəti ilə hərbi daşımaların həyata keçirilməsi üçtərəfli Bəyanatın müddəalarının kobud şəkildə pozulmasıdır və bu qəbuledilməzdir.Mütəmadi baş verən bu kimi qeyri-qanuni fəaliyyətlər Laçın yolunun Azərbaycan-Ermənistan sərhədinin son nöqtəsində Azərbaycanın sərhəd-keçid və nəzarət məntəqəsinin qurulmasını labüd edir”.<p><iframe allow="accelerometer;" autoplay; clipboard-write; encrypted-media; gyroscope; picture-in-picture; web-share" allowfullscreen="" frame height="400" src="https://www.youtube.com/embed/kYg0Pggy8Ls" title="Sülhməramlı" kontingent qanunsuz daşımaları müşayiət edir" width="637" style="width:;" 640px; max-width: 100%; min-height: 350px;"></iframe></p>
<strong>Bayram günlərində rayonlarda gözlənilən hava şəraiti açıqlanıb.</strong>Milli Hidrometeorologiya Xidmətindən <a href="https://cdn.azerforum.com/2021/01/06/208392.jpg" target="_blank" class="kw-link">Metbuat.az</a>-a verilən məlumata görə, <em><a target="_blank" href="https://homdom.az/offers/d-qebele">Qəbələ rayonunda</a> </em>bəzi yerlərdə az yağış yağacağı, 22-si səhər tədricən kəsiləcəyi, 22-də gündüz, 23-24-də hava şəraitinin sabit keçəcəyi, mülayim yaz havasının olacağı gözlənilir.Gecə və səhər saatlarında duman olacaq. Şərq küləyinin sürəti 5-10 m/s təşkil edəcək. Havanın temperaturu gecə 5-7° isti, gündüz 16-19° isti olacaq.<em>Şahdağda</em> havanın arabir az yağıntılı olacağı, 22-si səhər tədricən kəsiləcəyi, 22-də gündüz, 23-24-də hava şəraitinin sabit keçəcəyi, mülayim yaz havasının olacağı gözlənilir. Gecə və səhər saatlarında duman olacaq.Zəif şərq küləyi əsəcək. Havanın temperaturu gecə 0-3° şaxta, gündüz 3-5° isti olacaq.<em><a target="_blank" href="https://homdom.az/offers/d-ismayilli">İsmayıllı rayonunda</a> </em>arabir az yağış yağacağı, 22-si səhər tədricən kəsiləcəyi, 22-də gündüz, 23-24-də hava şəraitinin sabit keçəcəyi, mülayim yaz havasının olacağı gözlənilir. Gecə və səhər saatlarında duman olacaq.Zəif şərq küləyi əsəcək. Havanın temperaturu gecə 3-5° isti, gündüz 15-18° isti olacaq.<em>Lənkəran rayonunda </em>arabir yağış yağacağı, 22-si səhər tədricən kəsiləcəyi, 22-də gündüz, 23-24-də hava şəraitinin sabit keçəcəyi, mülayim yaz havasının olacağı gözlənilir. Gecə və səhər saatlarında duman olacaq. Şərq küləyinin sürəti 5-10 m/s təşkil edəcək. Havanın temperaturu gecə 8-10° isti, gündüz 14-17° isti olacaq.<p><em>Şəki rayonunda </em>arabir yağış yağacağı, 22-si gündüz tədricən kəsiləcəyi, 23-24-də hava şəraitinin sabit keçəcəyi, mülayim yaz havasının olacağı gözlənilir. Gecə və səhər saatlarında duman olacaq. Şərq küləyinin sürəti 5-10 m/s təşkil edəcək. Havanın temperaturu gecə 6-8° isti, gündüz 15-19° isti olacaq.</p>
<strong>Bakının “Neftçi” klubunun müdafiəçisi Solomon Kvirkveliya Gürcüstan milli komandasına dəvət olunub.</strong><a href="https://metbuat.az" target="_blank" class="kw-link">Metbuat.az</a> kluba istinadla xəbər verir ki, 31 yaşlı futbolçu martın 25-də Monqolustanla yoldaşlıq görüşünə, ayın 28-də isə Norveçlə “Avro-2024”ün seçmə mərhələ matçına çağırılıb.<p>Qeyd edək ki, Kvirkveliya Gürcüstan milli komandasının heyətində 47 oyun keçirib.</p>
<strong>Martın 20-də ölkə ərazisində qeydə alınan 43, əvvəlki dövrlərdən bağlı qalan 4 cinayətin açılması daxili işlər orqanlarının əməkdaşları tərəfindən təmin olunub.</strong>Bu barədə <a href="https://metbuat.az" target="_blank" class="kw-link">Metbuat.az</a>-a Daxili İşlər Nazirliyinin (DİN) mətbuat xidmətindın bildirilib.Məlumata görə, axtarışda olduğuna görə ümumilikdə 32, o cümlədən borclu şəxs qismində axtarışda olan 13 nəfər saxlanılaraq aidiyyəti üzrə təhvil verilib.<p>“Respublikanın avtomobil yollarında ölümlə nəticələnən 2 yol-nəqliyyat hadisəsi baş verib, nəticədə 2 nəfər ölüb. Narkotiklərlə əlaqəli 16, qanunsuz saxlanılan silah-sursatın götürülməsi və aşkarlanması ilə bağlı 5 fakt müəyyən edilib. Cinayət törətməkdə şübhəli bilinən 32 nəfər saxlanılıb”, -deyə məlumatda qeyd olunub.</p>
<strong>Kəlbəcər rayonunun Nəcəfalı kəndi dağətəyi ərazidə yerləşir.</strong>Kənd 1993-cü ildə Ermənistan silahlı qüvvələri tərəfindən işğal olunmuşdu. Erməni vandalları işğal dövründə kəndi viran qoyaraq xarabalığa çeviriblər.İkinci Qarabağ müharibəsində Ordumuzun şanlı Qələbəsindən sonra Azərbaycan Prezidenti, Rusiya Prezidenti və Ermənistan baş naziri tərəfindən 2020-ci il noyabrın 10-da imzalanmış üçtərəfli Bəyanata əsasən, noyabrın 25-də Kəlbəcər rayonu Azərbaycana qaytarılıb.<p><a href="https://metbuat.az" target="_blank" class="kw-link">Metbuat.az</a> işğal dövründə erməni vandalizminə məruz qalmış Nəcafalı kəndinin görüntülərini təqdim edir.</p>
<strong>Dünya bazarında "Azeri Light" markalı Azərbaycan neftinin 1 barelinin qiyməti 0,65 ABŞ dolları, yaxud 0,86 % azalaraq 74,75 ABŞ dolları təşkil edib.</strong><a href="https://metbuat.az" target="_blank" class="kw-link">Metbuat.az</a> xəbər verir ki, bu barədə “Report"a neft bazarındakı mənbə məlumat verib.Dünən hərracların nəticələrinə görə “Brent” markalı neftin may fyuçersləri isə 73,79 ABŞ dollarına satılıb.Azərbaycanın builki dövlət büdcəsində bir barel neftin orta qiyməti 50 ABŞ dollarından hesablanıb.<p>Xatırladaq ki, "Azeri Light" neftinin ən aşağı qiyməti 2020-ci il aprelin 21-də (15,81 ABŞ dolları), maksimal qiyməti isə 2008-ci ilin iyulunda (149,66 ABŞ dolları) qeydə alınıb. Azərbaycanda neft əsasən "Azəri-Çıraq-Günəşli” (AÇG) yataqlar blokunun işlənməsi haqqında müqavilə çərçivəsində hasil edilir. Müqavilədə Azərbaycan Dövlət Neft Şirkətinin (SOCAR) payı 25 %-dir.</p>
<p><strong>Abşeronda Bakı sakini saxlanılıb, üzərindən bir kiloqram heroin götürülüb.</strong></p><p>Bu barədə <a href="https://metbuat.az" target="_blank" class="kw-link">Metbuat.az</a>-a Daxili İşlər Nazirliyinin (DİN) Mətbuat xidmətindən məlumat verilib.</p><p>Belə ki, Abşeron Rayon Polis İdarəsi (RPİ) əməkdaşlarının keçirdikləri əməliyyat tədbirləri nəticəsində narkotik vasitələrin qanunsuz dövriyyəsində şübhəli bilinən Bakı şəhər sakini əvvəllər məhkum olunmuş A.Hüseynov saxlanılıb. Üzərinə baxış zamanı ondan 1 kiloqramdan artıq heroin aşkar olunaraq götürülüb.</p><p>Faktla bağlı Abşeron RPİ-də araşdırma aparılır.</p>
<strong>Aktyor Fərda Xudaverdiyev yenidən qalmaqallı açıqlaması ilə gündəmə gəlib. </strong><a href="https://metbuat.az" target="_blank" class="kw-link">Metbuat.az</a> xəbər verir ki, "MTV maqazin"ə danışan Xudaverdiyev israrla qadın paltarı ilə səhnəyə çıxmayacağını bildirib:"İnsanları güldürmək üçün qadın paltarı geyinmərəm. Məni o paltarda görmək istəyənlər elə də qocalacaqlar. Hansı kişi qadın paltarı geyinib səhnəyə çıxsa zatən insanlar ona güləcəklər. Bir kişinin qadın paltarında çıxmağı gülməlidir. Mən o cür paltarla səhnəyə çıxmaq istəmirəm".<p>Aktyor bu açıqlaması ilə yenidən bəzi həmkarlarının bostanına daş atıb. Onların Fərdanın bu sözlərinə reaksiyasının necə olacağını isə zaman göstərəcək.</p>
<strong>Goal.com portalı 2023-cü il üzrə "Qızıl top" uğrunda namizədlərin şəxsi reytinqinin yenilənmiş versiyasını dərc edib.</strong><a href="https://metbuat.az" target="_blank" class="kw-link">Metbuat.az</a> Trend-ə istinadən xəbər verir ki, siyahıda birinci yeri "Pari Sen-Jermen" forvardı, argentinalı Lionel Messi tutur. İkinci yerdə "Mançester Siti" hücumçusu norveçli Erlinq Holand, üçüncü yerdə isə Messi ilə eyni klubda oynayan, əvvəlki reytinq versiyasında ikinci yer tutan Kilian Mbappe dayanır.<p>Top 10-luğa, həmçinin, Viktor Osimhen ("Napoli"/Nigeriya), Vinisius Junior ("Real"/Braziliya), Xviça Kvaratsxeliya ("Napoli"/Gürcüstan), Markus Reşford ("Mançester Yunayted"/İngiltərə), Robert Levandovski ("Barselona"/Polşa), Kazemiro ("Mançester Yunayted"/Braziliya), Bukayo Saka ("Arsenal"/İngiltərə) daxildir.</p>
<ins><ins></ins></ins><strong>Əməkdar artist Nüşabə Ələsgərli yeni tikdirdiyi bağ evində "Evdəkilərə salam" verilişini qonaq edib. </strong><a href="https://metbuat.az" target="_blank" class="kw-link">Metbuat.az</a> xəbər verir ki, müğənni iki villa tikdirdiyini deyib. O bildirib ki, evin birini qızı Nigara bağışlayıb. "Oğlum Estoniyada yaşayır. Ailə quranda gəlin mənimlə yaşayacaq. Öz qaldığım ev oğlumundur. İkinci bağ evinin isə qapısı bağlıdır. Orda qızım qalacaq. Qızım isə Belçikada yaşayır" deyə, N.Ələsgərli bildirib.Qeyd edək ki, N.Ələsgərlinin qızı Nigar Gino adlı türk aşpazla ailə qurub. <p><iframe width="560" height="315" src="https://www.youtube.com/embed/Gv1XgGRsMpk" title="YouTube" video player" frame allow="accelerometer;" autoplay; clipboard-write; encrypted-media; gyroscope; picture-in-picture; web-share" allowfullscreen=""></iframe><br/></p>
<strong>Fransa millisinin baş məşqçisi Didye Deşam hücumçu Kilian Mbappeni Fransa millisinin yeni kapitanı təyin edib.</strong><a href="https://metbuat.az" target="_blank" class="kw-link">Metbuat.az</a> xəbər verir ki, bu barədə AFP məlumat yayıb.Yanvarın 9-da milli komandadan ayrılan “Tottenhem”in qapıçısı Uqo Lloris Fransanın sabiq kapitanı olub. "Atletiko Madrid"in hücumçusu Antuan Qrizmann milli komandanın vitse-kapitanı təyin edilib.<p>Fransa millisinin heyətində 66 matçda iştirak edən 24 yaşlı Mbappe 36 qol vurub, 23 məhsuldar ötürmə edib.</p>
<strong>Xalq artisti Mələkxanım Eyubovanın rəssam qızı Nəzrin Nəcəfzadə AzTV-də işə başlayıb.</strong><a href="https://metbuat.az" target="_blank" class="kw-link">Metbuat.az</a> olay.az-a istinadən xəbər verir ki, o, bu gündən etibarən "Telesəhər" verilişində aparıcılıq edir.Nəzrin gələn ildən etibarən işə çıxmağı planlaşdırsa da, aktrisa Aidə Cəbiyevanın qəfil proqramdan ayırılması bu prosesi sürətləndirib.<p>Qeyd edək ki, N. Nəcəfzadə rəssamlıq fəaliyyəti ilə yanaşı, influenser kimi də məşhurdur. O, bir çox brendlərlə əməkdaşlıq da edir.</p>
<strong>Rusiya sülhməramlılarına məxsus avtomobillər Laçın-Xankəndi yolunda dinc aksiya keçirilən ərazidə maneəsiz hərəkət edir.</strong><a href="https://metbuat.az" target="_blank" class="kw-link">Metbuat.az</a> xəbər verir ki, Xankəndidən Laçın istiqamətinə doğru hərəkət edən Rusiya sülhməramlılarına məxsus bir minik avtomobili aksiya ərazisindən maneəsiz keçib.<p>Bu, bir daha onu göstərir ki, aksiya iştirakçıları humanitar məqsədlərlə istifadə olunan avtomobillərin hərəkətinə heç bir maneə törətmirlər. Ermənistan mətbuatında yayılan və etirazçıların guya Xankəndi-Laçın yolunu bağladıqları və təminat avtomobillərini buraxmadıqları ilə bağlı xəbərlər qarşı tərəfin növbəti dezinformasiyasıdır.</p>
<strong>Qoz-fındıq antioksidantlar, vitaminlər, liflə zəngindir, iltihab əleyhinə və digər xüsusiyyətlərə malikdir. Bu təsiredici qidalanma profili xərçəngin qarşısını almaq üçün “kifayət qədər uyğun” görünür.</strong>Hər iki insandan birində həyatı boyu xərçəngin bu və ya digər forması inkişaf edəcək. <span style="background-color:;" initial;"><a href="https://metbuat.az" target="_blank" class="kw-link">Metbuat.az</a> AZƏRTAC-a istinadən xəbər verir ki, bu statistika qorxulu perspektivdir, lakin tədqiqatlar göstərir ki, ölümcül xəstəlik riski dəyişdirilə bilər.</span>Qoz-fındıq xəstəliyin qarşısını ala və bu xəstəlik səbəbindən ölüm riskini əhəmiyyətli dərəcədə - 40 faiz azalda bilər.“Beləliklə, indi artıq günortadır, siz şokolad və ya bəlkə də peçenye arzusundasınız. Lakin bunun əvəzində mən tərkibində zülal olan qəlyanaltı yeməyinə hazırlaşıram ki, o ürəyimi qoruya, xərçəngin qarşısını ala və beyinə təkan verə bilər”, - deyə həkim-diyetoloq Vasilisa Ponomaryova bildirib.Faydalı piylər, zülal, lif və iltihab əleyhinə xüsusiyyətlərlə zəngin olan qoz-fındıq sadəcə dadlı qəlyanaltıdan daha çox şey təklif edir.Tədqiqatlar göstərir ki, kiçik porsiyalar xərçəng, şəkərli diabet və ürək xəstəlikləri də daxil olmaqla, bir sıra problemlərlə bağlı riski azalda bilər.“İspaniyada yeddi mindən çox yaşlı insanın iştirakı ilə aparılan beşillik müdaxiləçi tədqiqat göstərib ki, həftədə üç dəfədən çox qoz-fındıq qəbul edən qrupda xərçəngdən ölmə riski 40 faiz az idi. Bu nəticəyə, spirtli içkilərin istehlakı, fiziki aktivlik və siqaret çəkmək kimi digər həyat tərzi faktorları nəzərə alındıqdan sonra gəlinib”.Qoz-fındığın nisbətən bahalı olmasına baxmayaraq, bədəninizin sağlamlığını qorumaq və xərçəng riskini azaltmaq üçün əmanətlərinizdən istifadə etməyə gərək yoxdur. Diyetoloq izah edib ki, məqsədə nail olmaq üçün gündə bir ovuc qoz-fındıq kifayət etməlidir.<p>Buna görə, qoz-fındığı çox faydalı hesab etdiyimizə baxmayaraq, onun böyük miqdarda qəbul edilməsi həkim-diyetoloq tərəfindən tövsiyə edilmir.</p>
<strong>Fevralın 6-da Türkiyənin Şanlıurfa və Adıyaman şəhərlərində baş vermiş sel fəlakəti nəticəsində ölənlərin sayı 20-yə çatıb.</strong><a href="https://metbuat.az" target="_blank" class="kw-link">Metbuat.az</a> xəbər verir ki, bu barədə “TRT Haber” saytı bildirib.Məlumata görə, su aparan ana və qızının axtarışları zamanı bir uşaq cəsədi aşkarlanıb. Hazırda onun kimliyi müəyyənləşdirilir.<p>Daha əvvəl bu rəqəm 19-a bərabər idi.</p>
<strong>2023-cü ilin yanvar-fevral aylarında Azərbaycanda avtomobil benzininin istehsalı 3,7 faiz azalıb.</strong><a href="https://metbuat.az" target="_blank" class="kw-link">Metbuat.az</a> xəbər verir ki, bu barədə Dövlət Statistika Komitəsinin hesabatında qeyd olunur. Bildirilir ki, ümumilikdə neft məhsullarının istehsalı sahəsində azalma müşahidə olunur. Cari ilin yanvar-fevral aylarında neft məhsullarının istehsalının ümumi dəyəri 646,5 milyon manat olmaqla, əvvəlki ilin müvafiq dövrü ilə müqayisədə 6,4 faiz azalıb.<p>Neft məhsullarının istehsalında sürtkü yağlarının istehsalı 50,6 faiz, neft koksunun istehsalı 12,8 faiz artıb. Qazoylların (dizel yanacağının) istehsalı 0,6 faiz, ağ neft istehsalı 7,5 faiz, neft bitumu istehsalı 47,1 faiz, mazut istehsalı isə 90,8 faiz azalıb.</p>
<strong>Rusiya təyyarələri Qara dənizdə fəaliyyət göstərən Ukrayna Hərbi Hava Qüvvələrinə məxsus “Bayraktar TB2” dronlarını vurmağa cəhd edib.</strong><a href="https://metbuat.az" target="_blank" class="kw-link">Metbuat.az</a> xəbər verir ki, “reaktiv yuma” (Jet wash) üsulunu sınayan ruslar məqsədlərinə nail ola bilməyiblər.TB2 “tələ”dən yayınaraq, uçuşunu davam etdirib.“Reaktiv yuma” aviasiyada reaktiv mühərrikin arxasında alovlanma nəticəsində yaranan hava axınını ifadə edir. Bu üsul PUA kimi yüngül hava vasitələrini sıradan çıxarmaq üçün istifadə olunur.Ruslar bundan əvvəl ABŞ PUA-larını bu üsulla sıradan çıxarıblar.<p><iframe width="560" height="315" src="https://www.youtube.com/embed/GlGGTKv47UU" title="YouTube" video player" frame allow="accelerometer;" autoplay; clipboard-write; encrypted-media; gyroscope; picture-in-picture; web-share" allowfullscreen=""></iframe><br/></p>
